बागमती प्रदेशका मुख्यमन्त्री शालिकराम जम्कट्टेलले प्रधानमन्त्री एवं नेकपा (माओवादी केन्द्र) का अध्यक्ष पुष्पकमल दाहाल प्रचण्डकै नेतृत्वमा नेपालमा समाजवाद स्थापना गर्ने बताएका छन् ।
शुक्रबार २३ औँ मजदुर बलिदान दिवस तथा पुस्तक विमोचन कार्यक्रमलाई पार्टी केन्द्रीय कार्यालय पेरिसडाँडामा सम्बोधन गर्दै उनले माओवादीको क्रान्तिको दिशा मात्रै बदलिएको तर क्रान्ति नछोडेको बताए । मुख्यमन्त्री जम्कट्टेलले माओवादीको क्रान्ति अझै पनि जारी रहेको बताए । उनले जनयुद्धले नै अहिलेको व्यवस्था ल्याएको बताए ।
‘क्रान्तिको कार्यदिशा बदलिएको छ । क्रान्ति जारी छ । उहाँको नेतृत्वमा १० वर्षको महान जनयुद्ध भयो, त्यसले यो राज्य व्यवस्था परिवर्तन गरेको छ । बाँकी कार्यभार अब हामी समाजवादमा पुग्नुछ,’ मुख्यमन्त्री जम्कट्टेलले भने, ‘प्रचण्डकै नेतृत्वमा नेपालमा समाजवाद स्थापना गर्छौँ । मजदुर वर्गको पेशागत र राजनीतिक अधिकार प्राप्त भएको व्यवस्था भनेको समाजवाद नै हो ।’
मुख्यमन्त्री जम्कट्टेलले मजदुर वर्गको पेशागत र राजनीतिक अधिकार प्राप्त भएको व्यवस्था भनेको समाजवाद नै रहेको जिकिर गरे ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
