राष्ट्रिय फुटबल टिमकी स्ट्राइकर सावित्रा भण्डारी ‘साम्बा’ दक्षिण एसियामा सर्वाधिक गोल गर्ने महिला खेलाडी बनेकी छन् ।
साउदी अरेबियामा जारी वाफ महिला च्याम्पियनसिपअन्तर्गत गएराति भएको लेबनानविरुद्धको सेमिफाइनल खेलमा एक गोल गरेसँगै उनले यो उपलब्धि हासिल गरेकी हुन् ।
यसअघि दक्षिण एसियामा सर्वाधिक गोल गर्ने महिला खेलाडीको रेकर्ड भारतकी बाला देवीको नाममा थियो । सावित्राले अब उनलाई पछि पारेकी छन् ।
बाला देवीले ६४ खेलमा ५२ गोल गरेकी थिइन् । २६ वर्षीया सावित्राले ४६ खेलमा ५३ गोल गरेकी छन् । जारी प्रतियोगितामा सावित्रा उच्च गोलकर्ताको सूचीको पहिलो स्थानमा छिन् । उनको जारी वाफमा चार खेलमा ९ गोल गरेकी छन् ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
