त्रिकोणात्मक टी–२० सिरिजअन्तर्गत हङकङविरुद्धको खेलमा नेपालले टस जितेर फिल्डिङ रोजेको छ । नेपाल र घरेलु टिम हङकङबीचको खेल ११ः१५ देखि मोङकोकस्थित मिशन रोड ग्राउन्डमा सुरु हुँदैछ ।
नेपालले आज प्लेइङ–११ मा तीन खेलाडी परिवर्तन गरेको छ । नेपालले शनिबार हङकङसँग मैत्रीपूर्ण खेल खेलेका राशिद खान, सागर ढकाल र आकाश चन्दलाई बाहिर राखेर लोकेश बम, करण केसी र अविनाश बोहरालाई मौका दिएको हो ।
दुवै टिम पहिलो खेल जित्दै सिरिजमा सुखत सुरुवात गर्ने योजनामा छन् । सिरिजअघि नेपाल र हङकङले शनिबार मैत्रीपूर्ण टी–२० म्याच खेलेका थिए । सो खेलमा नेपाल ७३ रनले पराजित भयो । नेपाल आइतबार मैत्रीपूर्ण खेलमा बेहोरेको हारको बदला लिने योजनामा छ ।
हङकङ घरेलु मैदानको फाइदा उठाउँदै फेरि नेपाललाई स्तब्ध पार्ने दाउमा छ । हङकङपछि नेपालले सिरिजमा दोस्रो खेल मंगलबार खेल्ने पपुवा न्यूगिनीसँग खेल्ने तालिका छ ।
नेपालको प्लेइङ–११ : कुशल भुर्तेल, विनोद भण्डारी (विकेटकिपर), रोहितकुमार पौडेल (कप्तान), गुलसन झा, लोकेश बम, सन्दीप जोरा, आरिफ शेख, विवेककुमार यादव, प्रतिश जिसी, करण केसी र अविनाश बोहरा ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
