भारतमा जारी १७औँ सिजनको इण्डियन प्रिमियर लिग (आइपिएल) मा चेन्नई सुपर किंग्सले लखनउ सुपर जायन्ट्सलाई १ सय ७७ रनको लक्ष्य दिएको छ । लखनउका टस हारेर ब्याटिङको निम्तो पाएको चेन्नईले निर्धारित २० ओभरमा ६ विकेट गुमाएर १ सय ७६ रन बनायो ।
उसका लागि रवीन्द्र जडेजाले अविजित ५७, अजिंक्य रहाणेले ३६, मोइन अलीले ३० र कप्तान रुतुराज गायकवाडले १७ रन बनाए । यस्तै, महेन्द्र सिंह धोनीले आज आक्रामक ब्याटिङ गरे ।
उनले लखनउविरुद्ध ९ बलमा तीन चौका र दुई छक्काको सहयोगमा अविजित २८ रन बनाए । धोनीले पछिल्लो खेलमा मुम्बईविरुद्ध ४ बलमा अविजित २० रन बनाएका थिए ।
जारी सिजनमा तेस्रो स्थानमा रहेको चेन्नईले ६ खेल खेल्दा चारमा हार तथा दुई खेलमा हार बेहोरेको छ । यस्तै, लखनउले ६ खेल खेल्दा तीनमा जित र तीन खेलमा हारको सामना गरेको छ । ऊ तालिकाको पाँचौं स्थानमा छ ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।