संस्कृति, पर्यटन तथा नागरिक उड्डयनमन्त्री हितबहादुर तामाङले आगामी वर्षमा गर्न सक्ने कामहरूको बारेमा मन्त्रालय सकारात्मक रहेको विश्वास दिलाएका छन् ।
सोमबार नेपाल संगीत तथा नाट्य प्रज्ञा प्रतिष्ठानको १४ औँ वार्षिकोत्सव समारोहमा उनले मुलुकमा स्रोतहरू सीमित र आवश्यकताहरू असीमित भएको भन्दै अगामी वर्षमा गर्न सक्ने काम गर्ने प्रतिबद्धता व्यक्त गरेका छन् ।
उनले भने, ‘हाम्रो स्रोतहरू सीमित छन् । आवश्यकताहरू धेरै छन्, असीमित छन् । राष्ट्रिय अर्थव्यवस्था मात्रै होइन, अन्तर्राष्ट्रिय जगतसमेत केही वर्षदेखि अर्थतन्त्र लयमा आउन खोजेका छ तर अपेक्षित प्रगति भइरहेको छैन । जसले गर्दा न्यूनतम गर्नै पर्ने विषयहरू पनि सम्बोधन गर्न नसकिने खालको अवस्था पनि जानकारी गराउन चाहन्छु । त्यही पनि मन्त्रालयको तर्फबाट आगामी वर्षमा गर्न सक्ने कामहरू धेरै हुँदाहुँदै पनि गर्न सक्ने कामहरूको बारेमा सकारात्मक रहेको विश्वास दिलाउन चाहन्छु ।’
राष्ट्रिय तथा अन्तर्राष्ट्रिय स्तर र क्षेत्रीय स्तरमा पनि विभिन्न जातजाति समुदायको भाषा, संस्कृति र संगीतको व्यवस्थापन गर्ने उद्देश्यले गठित प्रतिष्ठान आफैँमा महत्त्व प्राप्त संस्था भएको पनि उनको भनाई छ ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
