नेपाली कांग्रेसका महामन्त्री डा. शंशाक कोइरालाले नेपाली कांग्रेस हिन्दू राष्ट्रको पक्षमा रहेको बताएका छन् ।
आमनिर्वाचनमा कांग्रेसले बहुमत हासिल गरे जनमत संग्रहबाट हिन्दू राष्ट्रको पक्षमा उभिने कोइरालाको दाबी छ ।
नेपाली कांग्रेस मोरङले सोमबार विराटनगरमा आयोजना गरेको विरोधसभालाई सम्बोधन गर्नुअघि गरिएको पत्रकार सम्मेलनमा उनले सो कुरा बताएका हुन् ।
महामन्त्री कोइरालाले वर्तमान सरकार संघीयताविरोधी रहेको आरोप दोहोर्याउँदै सरकार पूर्ण रुपमा असफल भएको टिप्पणी गरे ।
विनादृष्टिको सरकारले जनतालाई दुःख दिएको आरोप लगाउँदै उनले कोरोना संक्रमण नियन्त्रण, भ्रष्टाचार नियन्त्रणमा सरकार असफल भएको आरोप लगाए ।
कोइरालाले कांग्रेस एक ढिक्का भए कसैले हराउन नसक्ने दाबी गर्दै आफू पार्टीलाई एक ढिक्का बनाउन लागिपरेको बताए ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
