सोमबार मात्रै केपी पार्टीबाट निकालिएका एमाले नेता भीम रावलले सोमबार गरेको आफ्नो ट्विट हटाएका छन् । सरकारले नागरिकता अध्यादेश ल्याउने वित्तिकै वीरगन्जमा नागरिकता लिन भीड लागेको र भारतबाट समेत ठूलो संख्यामा मान्छेहरु आएको भन्दै सोमबार उनले ट्विट गरेका थिए ।
मंगलबार बिहान अर्काे ट्विट गर्दै त्यो पुरानो भिडियो भएको भनी विभिन्न व्यक्ति तथा माध्यमबाट आफूलाई जानकारी आएकाले बताएका छन् ।
रावलले यसरी जानकारी दिनेलाई धन्यवाद दिँदै आफूले यस विषयमा गरेको ट्विट हटाएको बताएका छन् । ‘उक्त समाचार पुरानो भनी ध्यान आकर्षित गराउनु हुने सबैलाई धन्यवाद दिँदै मेरो त्यो ट्वीट हटाउने जानकारी गराउँछु’ रावलले भनेका छन् ।
तर आफूले वीरगन्जमा नागरिकता लिनेको भीड देखियो भन्ने समाचार आयो सरकारले जनतालाई जवाफ देओस् भनेर सोध्नु गलत नभएको दावी रावलको छ । ‘सरकारले जनतालाई जवाफ देओस् भनेर सोध्नु कुनै गलत कुरा होइन । सरकारले प्रष्ट पारे भइहाल्यो’ उनले भनेका छन् ।
मैले विरगंजमा नागरिकता लिनेको भीड देखियो भन्ने समाचार आयो सरकारले जनतालाई जवाफ देओस् भनेर सोध्नु कुनै गलत कुरा होइन ।सरकारले प्रष्ट पारे भइहाल्यो। तर उक्त समाचार पुरानो भनी ध्यान आकर्षित गराउनु हुने सबैलाई धन्यवाद दिदै मेरो त्यो ट्वीट हटाउने जानकारी गराउँछु।
— Dr. Bhim Rawal (@BhimRawal179) May 25, 2021
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।