स्पेनिस क्लब रियल मड्रिडका विंगर तथा राइट ब्याक लुकास भास्केजले क्लबसँगको सम्झौता ३ वर्ष बढाएका छन् ।
सम्झौता बढाएसँगै उनी सन् २०२४ सम्म रियलमै रहने भएका छन् । उनको सम्झौता यही जुनको अन्त्यमा सकिँदै थियो ।
२९ वर्षीय भास्केज रियलकै उत्पादन हुन् । उनले रियलका लागि राइट विंग र राइट ब्याकमा प्रभावशाली प्रदर्शन गर्दै आएका छन् ।
बार्सिलोनाविरुद्ध खेल्ने क्रममा घाइते भएपछि उनले यस सिजनको अन्त्यतिरका केही खेल गुमाए । चोटकै कारण उनले युरो कपका लागि स्पेनको टोलीमा पनि स्थान बनाउन सकेनन् ।
सन् २००७ मा रियलको एकेडेमीसँग जोडिएका भास्केजले सन् २०१५ मा सिनियर टोलीबाट डेब्यु गर्ने अवसर पाएका थिए ।
उनले सन् २०१४÷१५ एक सिजन इस्पान्योलबाट लोनमा खेलेका थिए । भास्केजले रियलका लागि २४० खेलमा २६ गोल गरेका छन् ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।