छिमेकी मुलुक भारतमा कोरोना महामारी विरुद्धको भ्याक्सिनेसन कार्यक्रम तीव्र गतिले अगाडि बढिरहेको छ । बिहीबार राति १२ बजेसम्म भारतभर ६० लाख ३६ हजार मानिसले भ्याक्सिन लगाए ।
बितेको ४ दिनमा भारतमा २ करोड ७० लाख मानिसले भ्याक्सिन लगाएका छन् । २१ जुनमा एकैदिन ८० लाखभन्दा धेरैलाई भ्याक्सिन लगाएर भारतले रेकर्ड बनाएको थियो । यसै गरी २२ जुनमा ५४ लाख २२ हजार र २३ जुनमा ६४ लाख ८३ हजार जनालाई भ्याक्सिन दिइएको थियो ।
बिहीबार सबैभन्दा धेरै भ्याक्सिन उत्तर प्रदेशमा लगाइएको थियो । उत्तर प्रदेशपछि महाराष्ट्र र गुजरातमा चार-चार लाख, र कर्नाटक, तमिलनाडु र पश्चिम बंगालमा तीन-तीन लाखलाई भ्याक्सिन दिइएको थियो ।
देशको राजधानी दिल्लीमा भने जम्मा १ लाख ५७ हजारलाई मात्र लगाइएको थियो ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।