२३ फागुनमा सर्वोच्च अदालतले नेकपालाई वैधता नदिइ नेकपा एमाले र नेकपा माओवादी केन्द्र दुई फरक पार्टी बन्दा माओवादी केन्द्रमा रहेनन्, प्रभु साह । बरु उनले आफूलाई नेकपा एमालेमा रहने निर्णय गरे ।
तत्कालीन प्रधानमन्त्री तथा नेकपा एमाले अध्यक्ष केपी शर्मा ओलीको नेतृत्वको नेकपा एमाले नै नेकपाको विस्तारित रुप भएको अभिव्यक्ति पनि उनले दिँदै आएका छन् ।
तर, पछिल्लो समय प्रभु साह एमालेसँग असन्तुष्ट बन्न थालेका छन् ।
उनी पछिल्ला एमालेका बैठकमा पनि अनुपस्थित हुन थालेका छन् । यसका कारण पछिल्लो समय प्रभु साहले आफ्नै छुट्टै पार्टी खोल्ने वा अभियान चलाउन सक्ने अनुमान धेरै हुन थालेका छन् ।
साहले आफ्नो छुट्टै समूह बनाएर आइटी आर्मीको नाममा विभिन्न गतिविधि पनि गर्दै आएका छन् ।
पछिल्लो समय उनले नेकपा एमाले नेतृत्वप्रति बढी असन्तुष्टि जनाउन थालेका छन् । नेकपा एमालेलाई नेकपाकै निरन्तरताका रुपमा बुझ्नु पर्ने, जनताको जनवादलाई एमालेमो आगामि महाधिवेशनसम्म व्यापक छलफल गरेर अगाडि बढाउनु पर्नेलगायतका माग राखेर उनले यो असन्तुष्टि बाहिर ल्याएका छन् ।
त्यसैले एमाले भित्रकै नेताहरुले पनि प्रभु साहले नयाँ अभियान सुरु गर्न सक्ने अनुमान गर्न थालेका छन् ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
