नेपाली कांग्रेसको रामेछाप सभापति पदमा पूर्णबहादुर तामाङ ‘कान्छाराम’ निर्वाचित भएका छन् । दोस्रो चरणको निर्वाचनमा प्रतिद्वन्द्वी लवश्री न्याैपानेले छाडेपछि उनी स्वतः निर्वाचित भएका हुन् ।
पहिलो चरणको निर्वाचनमा कान्छारामले ६६८ मत, न्यौपानेले ३५६ मत र कृष्णबहादुर महतले ३२८ मत प्राप्त गरेका थिए ।
उनी कांग्रेसमा संस्थापनइतर पक्षका नेता मानिन्छन् । न्यौपाने भने संस्थापन पक्षका हुन् । न्यौपाने प्यानलसहित सभापति पदको निर्वाचनमा होमिएका थिए । जबकि कान्छाराम एक्लै निर्वाचनमा गएका हुन् । पदाधिकारी पदमा उनको प्यानल थिएन ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।