प्रधानन्यायाधीश चोलेन्द्र शम्शेर जबरा र सर्वोच्च अदालतका न्यायाधीशहरुबीचको छलफल सकिएको छ ।
छलफलमा न्यायाधीशहरूले प्रधानन्यायाधीशलाई न्यायालयको साख जोगाउन मार्ग प्रशस्त गर्न आग्रह गरेको सहभागी एक न्यायाधीशले जानकारी दिए ।
न्यायाधीशहरुले वर्तमान अवस्थामा प्रधानन्यायाधीशले राजीनामा गरेर मार्ग प्रशस्त गर्नुपर्ने सुझाव दिएका थिए ।
प्रधानन्यायाधीशको भूमिकालाई लिएर पछिल्ला दिन राजनीतिक वृत र पूर्वन्यायाधीशहरुले विरोध गरेपछि सर्वोच्च अदालतका न्यायाधीशहरुले प्रधानन्यायाधीशले बोलाएको फुलकोर्ट बहिष्कार गरेका थिए ।
त्यसपछि सोमबार न्यायाधीशहरु बैठक बसी प्रधानन्यायाधीशसँग छलफल गर्ने निर्णय गरेका थिए । त्यसैको आधारमा आज प्रधानन्यायाधीश र न्यायाधीशहरूबीच छलफल भएको हो ।
प्रधानन्यायाधीशमाथि मन्त्रिपरिषद्मा कोटा मागेको देखि मुद्दाहरूमा 'बायस' भएकोसम्म आरोपसम्म लागेको छ । पछिल्ला दिनमा विज्ञप्ति जारी गर्दै पूर्वन्यायाधीश र पूर्वप्रधानन्यायाधीशहरुले उनको राजीनामा मागिरहेका छन् ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।