बाईबाई पुरुष यु–१९ एकदिवसीय राष्ट्रिय क्रिकेट प्रतियोगिताअन्तर्गत बिहीबारको खेलमा कर्णाली प्रदेशलाई ७६ रनले पराजित गर्दै प्रदेश १ ले लगातार दोस्रो जित हात पारेको छ ।
२४० रनको विजयी लक्ष्य पछ्याएको कर्णाली प्रदेश ३८ ओभरमा सबै विकेट गुमाउँदै १६३ रन मात्र बनाउन सक्यो ।
कर्णालीका लागि रूपक दाहालले अविजित ४१ रनको योगदान दिए । मनिष थापाले ३९ र राजप्रशाद शाहले २४ रनको योगदान दिए ।
प्रदेश १ का शरवन किस्कुले ४, लभ कामतले ३, गौरभ कटुवालले २ र दिपेश कँडेलले १ विकेट हात पारे ।
यसअघि मूलपानी क्रिकेट मैदानमा टस जितेर ब्याटिङ रोजेको प्रदेश १ ले निर्धारित ५० ओभरमा सबै विकेट गुमाउँदै २३९ रन बनाएको थियो ।
प्रदेश १ का लागि विवेक अनन्द मेहताले अर्धशतकीय पारी खेले । ८२ बलको सामना गर्दै ५९ रन बनाएका उनले ५ चौका र २ छक्का प्रहार गरे ।
अङ्कित सुवेदीले ३७ र सोनु मण्डलले २५ रनको योगदान दिए ।
कर्णालीका अनुजकुमार चुनारा, रुपक दाहाल र सन्दीप जङ्ग शाहीले २–१ तथा सुवास अयरले १ विकेट लिए ।
जितसँगै प्रदेश १ ले ४ अङ्क जोड्दा कर्णालीले पहिलो पराजय बेहोरेको छ ।
पहिलो खेलमा प्रदेश १ ले बागमतीलाई २६ तथा कर्णालीले लुम्बीनीलाई १४० रनले हराएका थिए ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।