बंगलादेशमा आयोजना हुने एसियन सिनियर सेन्ट्रल जोन पुरुष तथा महिला भलिबल च्याम्पियनसिपका लागि नेपाली राष्ट्रिय महिला टाेलीको घोषणा भएको छ ।
नेपाल भलिबल संघले आइतबार अरुणा शाहीको कप्तानीमा सेन्ट्रल जोन खेल्ने १२ सदस्यीय टाेली घोषणा गरेको हो । बन्द प्रशिक्षणमा रहेका १५ खेलाडीबाट संघले अन्तिम चरणमा १२ खेलाडीलाई समेटेको हो ।
कामना विष्ट, शान्ती थारू र लक्ष्मी चन्दले पहिलो पटक राष्ट्रिय टाेलीमा स्थान बनाउँदा कृपा अधिकारी र मनिषा चौधरीले पुनरागमन गरेका छन् ।
प्रतियोगिता आगामी डिसेम्बर २१ देखि २९ सम्म ढाकामा हुनेछ । नेपाल प्रतियाेगिताकाे साविक विजेता टाेली हाे ।
नेपाली टाेली : अरुणा शाही, प्रतिभा माली, उषा भण्डारी , सरस्वती चौधरी, शान्ति थारु, सफिया पुन, सुनिता खड्का, मनिषा चौधरी, कृपा अधिकारी, सिलना श्रेष्ठ, कामना विष्ट र लक्ष्मी चन्द
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
