नेकपा एकीकृत समाजवादीका अध्यक्ष माधवकुमार नेपालले अमेरिकी सहयोग नियोग मिलेनियम कर्पोरेसन च्यालेन्ज (एमसिसी)सँग भएको अनुदान सम्झौतालाई नेकपा एमालेका अध्यक्ष केपी शर्मा ओलीले बिथोलेको बताएका छन् ।
उनले एमसिसी विवाद यो तहसम्म ल्याउनका लागि ओली नै प्रमुख जिम्मेवार भएको पनि बताएका छन् ।
एमसिसी संसदमा ल्याउनै नहुने तर्क गर्दै नेपालले केपी ओलीको पालामा नै अर्थमन्त्रीले यसलाई संसदमा ल्याएको पनि बताएका छन् । ‘यो संसदमा ल्याउने विषय नै होइन,’ उनले भनेका छन्, ‘तर, ओलीका अर्थमन्त्रीले संसदमा ल्याए । एमसिसीलाई रणनीतिक अंग बनाउन नै आवश्यक थिएन ।’
बाँकेमा आयोजित पत्रकार सम्मेलनमा उनले यस्तो बताएका हुन् ।
यतिमात्र होइन, नेपालले ओलीले पछिल्लो समय गणतन्त्र पनि नपचाएकाले नेपालमा संघीय गणतान्त्रिक व्यवस्था नै उल्ट्याउन खोजेको पनि उनले आरोप लगाएका छन् ।
उनले सरकारले बनाएको तीन सदस्यीय कार्यदलले लिने अन्तिम निर्णयअनुसार यो सरकारले एमसिसीबारे निर्णय गर्ने पनि बताएका छन् ।
सरकारले यसअघि नेकपा एकीकृत समाजवादीका सम्मानित नेता झलनाथ खनालको संयोजकत्वमा तीन सदस्यीय एमसिसी अध्ययन समिति बनाएको छ ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।