नेपालमा पछिल्लो २४ घण्टाको अवधिमा ३९३ जनामा कोरोना भाइरसको संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार ९ हजार ३२९ नमुनाको पीसीआर तथा एन्टिजेन विधिबाट परीक्षण गर्दा सो संख्यामा कोरोना संक्रमित थपिएका हुन् ।
सोही अवधिमा २६३ जना संक्रमणमुक्त भएर डिस्चार्ज भएका छन् । योसँगै कोरोना संक्रमणमुक्त हुनेको संख्या ८ लाख १२ हजार ९३७ पुगेको छ । नेपालमा निको हुने दर ९८ प्रतिशत रहेको छ ।
त्यस्तै कोरोना संक्रमणबाट ३ जनाको मृत्यु भएको छ । योसँगै कोरोनाबाट ज्यान गुमाउनेको संख्या ११ हजार ६०१ पुगेको छ । मृत्युदर १.४ प्रतिशत रहेको मन्त्रालयले जनाएको छ ।
देशभर ५ हजार ९४ सक्रिय संक्रमित रहेका छन् ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
