पर्साको वीरगञ्जमा कोरोना भाइरस संक्रमणबाट एक जनाको मृत्यु भएको छ । रौतहट दिपही माधव नारायण नगरपालिकाका १ का ७० वर्षीय पुरुषको कोरोनाबाट मृत्यु भएको हो ।
उनको शनिबार १०:५५ मिनेटमा नारायणी अस्पतालमा मृत्यु भएको हो । उनलाई शुक्रबार नारायणी अस्पतालमा भर्ना गरिएको थियो । एन्टिजेन परीक्षणबाट उनमा कोरोना पुष्टि भएको थियो ।
अस्पतालका कोभिड संयोजक डा उदयनाराण सिंहका अनुसार उनलाई निमोनियासँगै मुटु रोग र घाँटीमा पनि समस्या थियो । उनले भेरोसिलको दुवै डोज खोप लगाएका थिए ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
