सत्ता साझेदार नेकपा माओवादी केन्द्रका अध्यक्ष पुष्पकमल दाहाल प्रचण्ड र नेकपा एकीकृत समाजवादीका अध्यक्ष माधवकुमार नेपाल छलफलमा जुटेका छन् ।
साँझ सत्तारुढ गठबन्धनको बैठक बस्ने भनिए पनि यी दुई नेताले छुट्टाछुट्टै बैठक गरेका हुन् । उनीहरु सिंहदरबारमा अहिले छलफलमा बसिरहेको नेकपा माओवादी केन्द्रका एक नेताले फरकधारलाई जानकारी दिएका छन् ।
आज साँझ पाँच बजे प्रधानमन्त्री तथा नेपाली कांग्रेसका सभापति शेरबहादुर देउवाले गठबन्धनको बैठक बोलाएका छन् । एमसिसीबारे यो गठबन्धनको निर्णायक बैठक हुने भनिएको छ ।
यहीबीच एमसिसी पारित हुनुहुन्न भन्ने अडानमा रहेका प्रचण्ड र नेपाल भेट भएका हुन् । बुधबार नेकपा माओवादी केन्द्रको संसदीय दलको बैठकले एमसिसी पारित गर्न नहुने निर्णय गरेको छ ।
बुधबार नै नेकपा एकीकृत समाजवादीका कार्यकर्ता एमसिसीको विरोध गर्दै प्रदर्शनमा उत्रिएका थिए ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
