नेकपा एमालेका केन्द्रीय सदस्य तथा पूर्वसञ्चारमन्त्री गोकुल बाँस्कोटाले माधव नेपालको पार्टीको नाम झारपात पार्टी हुनुपर्ने भन्दै व्यङ्ग्य गरेका छन् ।
शनिबार हेटौँडामा आयोजित नेपाल खेलकुद महासंघ बागमती प्रदेशको प्रथम अधिवेशन समारोहलाई सम्बोधन गर्ने क्रममा नेता बाँस्कोटाले नेपालको पार्टी नेकपा एकीकृत समाजवादीतिर इंगित गर्दै नयाँ पार्टीको नाम झारपात हुनुपर्ने बताए ।
एक रहेको पार्टी फुटाएर नयाँ पार्टी बनाएर देउवासँग मिल्न गएर अध्यक्ष नेपालले ठीक नगरेको बताउँदै नेता बाँस्कोटाले माधव नेपाललाई विचरा भन्ने दिन आएको बताए ।
'अब माधव नेपाललाई त म विचरा भन्न मन पराउँछु । अब गठबन्धनमा समाजवादीको भविष्य छैन । कुरा बुझ, अब खुरुखुरु नेकपा एमालेमै फर्क । यसमै समाजवादीमा लागेकाहरूको भलो हुनेछ,’ उनले भने ।
अब आउने चुनावमा नेकपा एमालेकै दुई तिहाइको सरकार बन्ने बताउँदै बाँस्कोटाले पार्टी फुटाएर अन्त मिल्न जानेहरूले चुनाव पछि नै सबक सिक्ने बताए ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
