विभागीय टोली त्रिभुवन आर्मी फुटबल क्लब पाँचौ झापा गोल्डकपको फाइनल प्रवेश गरेको छ ।
आर्मीले आज भएको पहिलो सेमिफाइनलमा सातदोबाटो युथ क्लबमाथि ४-१ को सहज जित हात पारेको हो ।
झापाको बिर्तामोडस्थित डोमालाल राजवंशी मैदानमा आर्मीलाई जित दिलाउन टेकबहादुर बुढाथोकीले २ तथा सुमन अर्याल र सन्तोष तामाङले समान १ गोल गर्दा सातदोबाटोका दीपक सिंह ठकुरीले एक गोल फर्काए ।
खेलको २७ औं मिनेटमा सुमनको गोलमार्फत् आर्मीले अग्रता लिएको थियो ।
पहिलो हाफको थप गरिएको समयमा दीपकले गोल गर्दै सातदोबाटोलाई १-१ को बराबरीमा ल्याए ।
५९ औं मिनेटमा सन्तोषले गोल गर्दै आर्मीलाई २-१ को अग्रता दिलाए । ८० र ८३ औं मिनेटमा टेकबहादुरले गोल गरेपछि आर्मी ले ४-१ को सहज जित निकाल्दै फाइनल यात्रा तय गर्याे ।
आर्मीले उपाधिका लागि आयोजक झापा र संकटा क्लबबीचको विजेतासँग खेल्नेछ ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
