सहज जित निकाल्दै म्यानचेस्टर सिटी प्रिमियर लिगको शीर्ष स्थानमा
फरकधार / ८ बैशाख, २०७९

म्यानचेस्टर सिटी इंग्लिस प्रिमियर लिगको शीर्ष स्थानमा उक्लिएको छ । गएराति इतिहाद स्टेडियममा सम्पन्न खेलमा ब्राइटनमाथि ३–० को सहज जित हात पार्दै सिटी शीर्ष स्थानमा उक्लिएको हो ।



उसको जितमा रियाद महारेज, फिल फोडेन र बर्नार्डो सिल्भाले एक/एक गोल गरे । खेलको ५३ औं मिनेटमा महारेजले सिटीलाई अग्रता दिलाएका थिए । ६५ औं मिनेटमा फोडेनले टोलीको अग्रता दोब्बर बनाए ।

८२ औं मिनेटमा सिल्भाले गोल गरेपछि सिटीले ३–० को सहज जित निकाल्यो । जितसँगै सिटीले ३२ खेलमा ७७ अंक जोडेको छ । यो दोस्रो स्थानको लिभरपुलको भन्दा एक अंक बढी हो ।



पराजित ब्राइटन ३३ खेलबाट ४० अंकका साथ दशौँ स्थानमा छ । लिगकै अन्य खेलमा आर्सनलले चेल्सीमाथि ४–२ तथा न्युकासल युनाइटेडले क्रिस्टल प्यालेसमाथि १–० को जित दर्ता गरे ।



त्यस्तै, एभर्टन लेस्टर सिटीसँग १–१ को बराबरीमा रोकियो । 

  • प्रकाशित मिति : बैशाख ८, २०७९ बिहीबार ६:५३:३२,  

फरकधारमा प्रकाशित कुनै समाचारमा तपाईंको गुनासो भए हामीलाई news@farakdhar.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, टिकटक, युट्युबमा पनि जोडिन सक्नुहुन्छ ।


यस विषयसँग सम्बन्धित समाचार

यो सामग्री सेयर गर्नुहोस्


यो पनि नछुटाउनुहोस्
मल्टिमिडिया