दिल्लीमा अरविन्द केजरीवाल सरकारका स्वास्थ्य मन्त्री सत्येन्द्र जैनलाई प्रवर्तन निदेशालय इडीले सोमबार गिरफ्तार गरेको छ । समाचार एजेन्सी पिटिआइको रिपोर्टअनुसार उनलाई भ्रष्टाचारको एक विषयमा गिरफ्तार गरिएको हो ।
भारतको अर्को समाचार एजेन्सी एएनआईका अनुसार कोलकोताको एक कम्पनीसँग जोडिएको लेनदेन मुद्दामा उनलाई पक्राउ गरिएको हो । उनको घरमा इडीले छापा मारेर उनलाई नियन्त्रणमा लिएको हो ।
दिल्लीको गृह तथा स्वास्थ्य विभागको साथसाथै जैनसँग दिल्लीको ऊर्जा, लोक निर्माण विभाग, उद्योग, शहरी विकास तथा सिंचाई र जलसंसाधन विभागको पनि जिम्मेवारी दिइएको छ ।
उनी पक्राउ पर्नुअघि उनको विषयमा सिबिआइले अनुसन्धान गरेको थियो । उनको र उनकी पत्नी पुनम जैनको शेयर होल्डिङ रहेका कम्पनीहरुको ४.८१ करोड भारतीय रुपैयाँ पनि भारतीय प्रहरीले नियन्त्रणमा लिएको छ ।
यसअघि २५ अगस्ट २०१७ मा नै अवैध लेनदेन गरेको भन्दै उनीमाथि छानबिन सुरु भएको थियो ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
