नेपाली राष्ट्रिय क्रिकेट टोलीका कप्तान सन्दीप लामिछानेले जमैका तल्लावाजबाट क्यारेबियन प्रिमियर लिग (सिपिएल) खेल्ने भएका छन् ।
आगामी ३० अगस्ट देखि ३० सेप्टेम्बरसम्म हुने प्रतियोगिताका लागि तल्लावाजले सन्दीपलाई अनुबन्ध गरेको जानकारी दिएको हो ।
सन्दीपले २०२० मा पनि जमैका तल्लावाजबाटै सिपिएल खेलेका थिए । उनले यसअघि सेन्ट किट्स एन्ड नेभिस प्याट्रियोट्स तथा बार्बाडोस ट्रिडेन्ट्स पनि सिपिएल खेलिसकेका छन् ।
जमैकाले पाँच विदेशी खेलाडीको कोटामा पाँचजनालाई ड्राफ्टअगाडि नै अनुबन्ध गरेको हो ।
जमैकामा विदेशी खेलाडीको कोटामा सन्दीपसँगै पाकिस्तानका मोहम्मद अमिर र इमाद वासिम, अस्ट्रेलियाका क्रिस ग्रिन तथा दक्षिण अफ्रिकाका मिगाली पिटोरियस् छन् ।
मंगलबार मात्रै सन्दीपले श्रीलंकाको फ्रेन्चाइज लिग लंका प्रिमियर (एलपिएल) खेल्ने पक्का भएको थियो ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।