काठमाडौं– सरकारले नेपालमा काम गर्ने भारतीय नागरिकलाई अनिवार्य श्रम स्वीकृति लिन ताकेता गरेको छ ।
श्रम तथा व्यवसायजन्य सुरक्षा विभागले सबै श्रम तथा रोजगार कार्यालयहरुलाई पत्राचार गरी प्रतिष्ठानहरुमा काम गर्ने भारतीय नागरिकको संख्या अध्यावधिक गर्न र श्रम स्वीकृति नलिएको भए लिने व्यवस्था मिलाउन निर्देशन दिएको हो ।
प्रतिष्ठानको नाम, कार्यरत गैरनेपाली श्रमिक भए उनीहरुको नाम, पदसहितको विवरण हरेक महिना पठाउनसमेत विभागले निर्देशन दिएको छ ।
नेपालमा थुप्रै भारतीय नागरिक विना श्रम स्वीकृति काम गरिरहेका छन् । खुला सिमानाका कारण अधिकांश भारतीय श्रमिक औपचारिक प्रक्रियाबेगर नै नेपाल आई काम गर्न थाल्छन् ।
सबै विदेशीले नेपालमा काम गर्न श्रम स्वीकृति लिनुपर्ने नियम भए पनि यसअघि सरकारले भारतीय नागरिकले स्वीकृति लिए/नलिएकोमा खासै चासो दिने गरेकाे थिएन ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।