नेकपा एमाले लुम्बिनी प्रदेश कमिटी सदस्य शेषकान्त गौतमले एमालेका उम्मदेवारलाई होइन, यो प्रतिनिधिसभा निर्वाचनमा नेकपा एकीकृत समाजवादीकी उम्मेदवार रामकुमारी झाँक्रीलाई सहयोग गर्ने भएका छन् ।
उनले गुल्मी २ मा सत्तारुढ गठबन्धनकी साझा उम्मेदवरालाई झाँक्रीलाई सघाउने पत्रकार सम्मेलन गरेर घोषणा गरेका हुन् ।
उनले नेकपा एमालेका सचिवसमेत रहेका उम्मेदवार गोकर्ण विष्टले कुनै समय आफ्नै पार्टीका प्रधानमन्त्री ढलाउन सर्वोच्च अदालतसम्म पुगेकाले नैतिकता गुमाएको उल्लेख गरेका छन् । नैतिक पतन भएका व्यक्तिलाई आफूले सघाउन नसक्ने पनि उनले बताएका छन् ।
विष्टले आत्मालोचना पनि नगरेकाले आफूले यो निर्णय लिएको उनले बताएका छन् । अनि उनले आफूलाई पार्टीले कारवाही गरे त्यसको परिणाम भोग्न आफू तयार रहेको बताएका छन् ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
