नेपाली कांग्रेसका नेता अर्जुननरसिंह केसीले नक्कली भुटानी शरणार्थी प्रकरण राज्यसंयन्त्रको गठबन्धनमा गरिएको मानव तस्करी भएको आराेप लगाएका छन् । प्रजातान्त्रिक पद्दतिको रक्षाका लागि भ्रष्टाचारविरुद्ध सशक्त अभियान आवश्यक रहेको उनले बताए ।
प्रजातान्त्रिक विचार समाजको १२औँ राष्ट्रिय महाधिवेशन तथा २५औँ साधारणसभा उद्घाटन कार्यक्रममा बाेल्दै उनले भने, 'एकपटक मन्त्री भएकाहरु भ्रष्ट होइनन् भन्ने मान्न जनता तयार छैनन्, नक्कली भुटानी शरणार्थी प्रकरणमा आशंकामा रहेका कोही छुट्नुहुन्न ।'
पहाड खनेर मुसा निकाल्ने काम फेरि गर्न नहुने भन्दै उनले भने, 'डेढ खर्ब जनसंख्या रहेको भारतमा पाँच सय ४३ सांसद, तीन करोड जनसंख्या रहेको नेपालमा दुई सय ७५ सांसद चाहिने हो कि होइन ? भन्ने अब बहस हुनुपर्छ ।'
समानुपातिक प्रणालीले भ्रष्टाचार र विकृति बढाएकाले यस विषयमा पनि पुनःविचार गरिनुपर्ने नेता केसीकाे भनाइ छ ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
