युरो छनोट २०२४ मा नर्थ म्यासेडोनियाविरुद्ध इंग्ल्याण्डले ७–० को फराकिलो जित निकालेको छ ।
गएराति घरेलु मैदान ओल्ड ट्राफोर्ड म्यानचेस्टरमा सम्पन्न खेलमा इंग्ल्याण्डको जितमा बुकायो साकाले ह्याट्रिक, कप्तान ह्यारी केनले दुई, मार्कस रासफर्ड र केल्भिन फिलिप्सले १/१ एक गोल गरे ।
युरो छनोटमा इंग्ल्याण्डको यो लगातार चौथो जित हो । समूह ‘सी’ मा शीर्षस्थानमा रहेको उसको १२ अंक जोडेको छ । पराजित नर्थ म्यासेडोनिया ३ खेलबाट ३ अंक जोडेको छ । ऊ तालिकाको चौथो स्थानमा छ ।
यही समूहको अर्काे खेलमा युक्रेनले माल्टालाई १–० ले हराएको छ ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।