काठमाडौंको मित्रपार्कमा स्थित टेक्सास इन्टरनेशनल कलेजले एआई कोर्स (साइबर सेक्युरिटी, डाटा साइन्स र आर्टिफिसियल इन्टेलिजेन्स) लागू गर्ने भएको छ । यूके कलेजसँगको सहकार्यमा टेक्सास इन्टरनेशनलले उक्त कोर्स कक्षा ११ देखि स्नातक तहसम्म लागू गर्न लागेको हो ।
यो कोर्सपछि विद्यार्थीलाई रोजगारीका पर्याप्त अवसर सिर्जना गर्नेमा कलेज विश्वस्त छ ।
टेक्सास इन्टरनेशनल कलेजका प्रिन्सिपल भेषराज पोखरेलले आजको गतिशील रोजगार बजारको माग पूराका लागि उच्च गुणस्तरको शिक्षा प्रदान गर्न सधैं प्रतिबद्ध रहेको बताए । यूके कलेजसँगको यो रणनीतिक साझेदारी नेपालका विद्यार्थीहरूका लागि उपलब्ध शैक्षिक अवसर बढाउने दिशामा महत्वपूर्ण कदम रहेको प्रिन्सिपल पोखरेल बताउँछन् ।
‘हामी हाम्रा विद्यार्थीहरूका लागि साइबर सेक्युरिटी, डाटा साइन्स र एआईका क्षेत्रमा विश्वस्तरीय शिक्षा ल्याउन पाउँदा उत्साहित छाँ,’ प्रिन्सिपल पोखरेलले भने, ‘आजको डिजिटल युगमा, यी क्षेत्रहरू सर्वोपरि महत्त्वका छन्, र युके कलेजेजसँगको हाम्रो सहकार्यले हाम्रा विद्यार्थीहरूलाई अन्तर्राष्ट्रियरूपमा मान्यता प्राप्त प्रमाणपत्रहरू र रोजगारदाताहरूद्वारा अत्यधिक खोजी गरिएका व्यावहारिक सीपहरू प्राप्त गर्न सक्षम बनाउनेछ ।’
युके कलेजका अध्यक्ष विज्ञान श्रेष्ठले टेक्सास इन्टरनेशनल कलेजसँग सहकार्य गर्न पाउँदा उत्साहित भएको प्रतिक्रिया दिए ।
‘हामी टेक्सास इन्टरनेशनल कलेजसँग एनसीसी यूके सर्टिफाइट कोर्षहरू काठमाडौंमा उपलब्ध गराउन पाउँदा गौरवान्वित छौँ । हाम्रा कार्यक्रमहरू विद्यार्थीहरूलाई उत्कृष्ट हुन आवश्यक ज्ञान र सीपहरू प्रदान गर्न डिजाइन गरिएको हो,’ अध्यक्ष श्रेष्ठले भने, ‘साइबर सेक्युरिटी, डाटा साइन्स र एआईका क्षेत्रमा यी पाठ्यक्रमहरू सैद्धान्तिक मात्र होइनन् तिनीहरू जब रेडीका कार्यक्रमहरू हुन्, जसले विद्यार्थीहरूलाई आत्मविश्वासका साथ कार्यबलमा प्रवेश गर्न सशक्त बनाउँछ ।’
सहकार्यका मुख्य विशेषताहरू :
NCC UK certified (एनसीसी यूके सर्टिफाइट) पाठ्यक्रमहरू : यस सहकार्यअन्तर्गत प्रस्तावित पाठ्यक्रमहरू NCC Education (एनसीसी इजुकेसन), एक अग्रणी यूके अवार्ड दिने निकायद्वारा प्रमाणित छन् । यी प्रमाणपत्रहरू विश्वव्यापीरूपमा मान्यता प्राप्त छन् । रोजगार बजारमा विद्यार्थीहरूलाई प्रतिस्पर्धात्मक लाभ प्रदान गर्दछ ।
पाठ्यक्रम : पाठ्यक्रमलाई साइबर सेक्युरिटी, डाटा साइन्स र एआईका सैद्धान्तिक आधार र व्यावहारिक पक्षहरू दुवैलाई समेट्न सावधानीपूर्वक डिजाइन गरिएको छ, जसले गर्दा विद्यार्थीहरू आफ्नो करियरको लागि राम्रोसँग तयार छन् ।
अवसरहरू : यी कार्यक्रममा सहभागीलाई प्रविधि र डेटाको द्रुत रूपमा विकसित क्षेत्रहरूमा क्यारियर अवसरहरूको विस्तृत दायराको लागि आवश्यक सीपहरू प्रदान गरिनेछ ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
