नेपाली महिला राष्ट्रिय फुटबल टोलीले चीनमा जारी १९औँ एसियाली खेलकुदमा खराब सुरुवात गरेको छ । शुक्रबार समूह ‘डी’ को पहिलो खेलमा नेपाल भिएतनामसँग २–० गोल अन्तरले पराजित भयो ।
पहिलो हाफ गोलरहित बराबरी खेलेको नेपालले दोस्रो हाफमा भने २ गोल बेहोर्न पुग्यो । भिएतनामका लागि ५३ औं मिनेटमा फाम हाइ एन तथा ६४औँ मिनेटमा थि बीच थुइले एक/एक गोल गरे ।
नेपालले अब सोमबार समूहको दोस्रो खेलमा जापानसँग खेल्नेछ । यस्तै, नेपालले समूहको अन्तिम खेलमा बिहीबार बंगलादेशसँग खेल्ने तालिका छ ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
