राष्ट्रिय जनमोर्चाका अध्यक्ष चित्रबहादुर केसीले सरकारले सिफारिस गर्दैमा ज्यानमारा र अपराधीले छुट पाउने हो भने न्यायपालिका किन चाहियो ? भन्दै प्रश्न गरेका छन् ।
मंगलबार बसेको प्रतिनिधिसभाको बैठकमा बोल्दै उनले सत्ताधारीहरुको फौजदारी मुद्दा लागेको अपराधीलाई राष्ट्रपतिले मिनाहा दिनु गलत भएको भन्दै सरकारले सिफारिस गरेर ज्यानमारा र अपराधीले छुट पाउने हो भने न्यायपालिका किन चाहियो ? भन्दै प्रश्न गरे ।
उनले भने, ‘राष्ट्रपतिबाट गणतन्त्र दिवसको अवसरमा संविधान दिवसको अवसरमा फौजदारी मुद्दा लागेका अपराधीलाई जुन मिनाहा दिने काम भयो, यो अत्यन्तै गलत काम छ । यो राजनीतिक पार्टीको सत्ताधारीको सिफारिसमा जे आउँछ, त्यो मान्नुपर्छ भन्ने छैन । यदि सरकाले सिफारिस गरेर हरेक ज्यानमारा र अपराधीले छुट पाउने हो भने न्यायपालिका किन चाहियो ?’
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
