महिला भलिबलको क्लासिफिकेसन म्याचमा नेपाल भारतसँग बुधबार ३–१ ले पराजित भएको छ ।
हाङझाव नर्मल युनिभर्सिटी कानक्विन जिम्न्याजीमा भारतले नेपाललाई २५–३३, २६–२८, २५–२३ र २५–१७ को सेटमा पराजित गर्यो ।
नेपाल प्रतियोगिताबाट बाहिरिए पनि शीर्ष आठबाहेकका बाँकी स्थान छुट्याउनका लागि पनि खेल हुने भएको हुँदा नेपाली महिला टोलीले अरु खेल खेल्ने मौका पाएको हो ।
समूह चरणको खेलमा नेपाल भियतनाम र दक्षिण कोरियासँग समान ३–० को सोझो सेटमा पछि परेको थियो ।
भारतसँग पराजित भएपछि नेपालले ९ देखि १२औँ स्थानको क्लासिफिकेसनका लागि अझै दुई खेल खेल्न पाउनेछ । नेपालले अर्को खेल हङकङसँग खेल्नेछ ।
हङकङलाई पराजित गरेमा नेपालले नवौँ स्थानका लागि अर्को खेल खेल्नेछ । उक्त खेलमा पराजित भए ११औँ स्थानका लागि नेपालले अन्तिम खेल खेल्नेछ ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।