सामाजिक संस्था ‘वंश–रत्न मेमोरियल ट्रष्ट’ले आज राजधानीमा एक कार्यक्रम आयोजना गरेर तीन जनालाई एक–एक लाख राशिको ‘मानववादी पुरस्कार’ प्रदान गरेको छ ।
संस्थाले कोभिड–१९ का कारण स्थागन भएका समेत गरी विसं २०७८, २०७९ र २०८० सालका पुरस्कार क्रमशः वामपन्थी नेता मोहनविक्रम सिंह, राजनीतिक विश्लेषक श्याम श्रेष्ठ र भारतीय वैज्ञानिक नरेन्द्र नायकलाई प्रदान गरेको हो ।
वरिष्ठ पत्रकार भैरव रिसालले ती सम्मान प्रदान गर्दै जात, धर्म, वर्ण, लिंगभन्दा माथि उठेर मानव जातिको उत्थानमा लाग्नु नै मानववाद भएको बताए ।
समाजसेवी बालकृष्ण श्रेष्ठ ‘नेभा’ले चार वर्षअघि आफ्ना बुबा–आमाको सम्झनामा उक्त संस्था स्थापना गरेका हुन् ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
