भारती खरेल प्रतिष्ठानले यस वर्षको अध्यात्म साधनाका क्षेत्रमा प्रदान गरिने पुरस्कार अनन्त विभूषित महामण्डलेश्वर डा. स्वामी आत्मानन्द गिरिजी महाराज गलेश्वर आश्रम देवघाटधामलाई समर्पण गर्ने निर्णय गरेको छ ।
आफ्नो समस्त जीवन वैदिक सनातन संस्कृति, धर्म र दर्शनको प्रचारप्रसार र सम्वद्र्धनका साथ तदनुरुप आचार र मर्यादाको पालनामा उच्च आदर्शका साथ समर्पित रहेकाले उनलाई पुरस्कार समर्पण गर्ने निर्णय भएको प्रतिष्ठानले जनाएको छ ।
भक्तिमती तथा साहित्य साधिका स्व. भारती खरेलको स्मृतिमा स्थापित उक्त पुरस्कारको राशि ५१ हजारसहित सम्मानपत्र रहेको छ । समाजसेवी चन्द्रिकानन्द खरेल तथा गायक दीपक खरेलसहित उनका परिवारबाट ०४९ मा स्थापना भएको उक्त पुरस्कार पालैपालो सहित्य साधना, समाजसेवा र अध्यात्म साधनाका क्षेत्रमा समर्पण गरिँदै आएको प्रतिष्ठानले जनाएको छ ।
प्रतिष्ठानका अध्यक्ष वरिष्ठ साहित्यकार शैलेन्द्र साकारको अध्यक्षतामा बसेको बैठकले गरेको निर्णयअनुसार पुरस्कार भारती खरेलको ८६औँ जन्यन्तीका अवसरमा आगामी मंसिर १६ गते आयोजना हुने समारोहमा समर्पण गरिनेछ ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
