गैरआवासीय नेपाली संघ (एनआरएनए)को अध्यक्षमा बद्री केसीलाई शपथ गराइएको छ । अध्यक्षका अन्य दुई प्रत्याशी आरके शर्मा र महेश श्रेष्ठले भने केसी पक्षले निर्वाचनमा सिस्टम ह्याक गरेर धाँदली गरेको आरोप लगाएका छन् ।
धाँदली गरेर केसी विजयी भएको भन्दै उनीहरू आक्रोशित बनेका हुन् । केसीले समग्र निर्वाचन नै हेरफेर गरेको उनीहरूको आरोप छ । उनीहरुले निर्वाचनको परिणाम नै अस्वीकार गर्ने घोषणा गरेका छन् ।
दुई प्रत्याशीको विरोधका बाबजुद केसीसहित सम्पूर्ण कार्यसमितिलाई शपथ दिलाइएको हो । शपथ गराएसँगै श्रेष्ठ र शर्मा समूहले राजधानीको होटल हिमालयमा शनिबार साँझ ५ बजेका लागि पत्रकार सम्मेलन बोलाएको छ ।
अध्यक्षका प्रत्यासी आरके शर्माले सिस्टम कब्जा गरेर स्वतन्त्र ढंगले निर्वाचन नभएको भन्दै कथित शपथको कुनै औचित्य नहुने बताएका छन् । संघलाई बद्री केसी पक्षले विभाजनतर्फ लगेको उनको टिप्पणी छ ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
