इंग्लिस प्रिमियर लिगअन्तर्गत गएराति सम्पन्न खेलमा आर्सनले सेफिल्ड युनाइटेडलाई ५–० गोल अन्तरले हराएको छ । घरेलु मैदान इमिरेट्स रंगशालामा भएको खेलमा आर्सनलको जितमा एडी एनकेटियाले ह्याट्रिक गरे ।
यस्तै, फाबियो भिएरा र ताकेहिरो तोमियासुको नाममा एक/एक गोल रह्यो । खेलको २८ औँ मिनेटमा एनकेटियाको गोलमार्फत आर्सनलले अग्रता लिएको थियो । ५० औँ मिनेटमा उनले नै टोलीको अग्रता दोब्बर बनाए ।
आठ मिनेटपछि नै एनकेटियाले ह्याट्रिक पूरा गर्दै आर्सनललाई ३–० अघि बढाए । ८८ औँ मिनेटमा भिएराले पेनाल्टीमार्फत गोल गर्दै आर्सनलले ४–० को अग्रता पायो ।
इन्जुरी समयमा तोमियासुले गोल गर्दै आर्सनललाई ५–० को सानदार जित दिलाए । यो जितपछि १० खेलमा २१ अंक जोडेको आर्सनल दोस्रो स्थानमा छ ।
पराजित सेफिल्ड समान खेलबाट एक अंकका साथ पुछारमा छ । लिगअन्तर्गत शनिबार नै सम्पन्न अन्य खेलमा बर्नमाउथले बर्नेलीलाई २–१ तथा ब्रेन्टफोर्डले चेल्सीलाई २–० ले हराए ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
