इंग्लिस प्रिमियर लिग फुटबलमा आर्सनलले उल्भ्सलाई २–१ ले हराएको छ । गएराति इमिरेट्स स्टेडियममा भएको खेलमा आर्सनको जितमा बुकायो साका र मार्टिन ओडेगार्डले १–१ गोल गरे । उल्भ्सका लागि म्याथ्यू चुन्हाले १ गोल फर्काए ।
साकाले खेलको छैटौँ मिनेटमा आर्सनललाई अग्रता दिलाएका थिए । मार्टिन ओडेगार्डले १३ औँ मिनेटमा आर्सनको अग्रतालाई दोब्बर बनाए ।
खेल सकिन ४ मिनेटअघि म्याथ्यू चुन्हाले एक गोल फर्काए पनि टोलीको हार टार्न सकेनन् । यो जितपछि आर्सनलले दोस्रो स्थानको म्यानचेस्टर सिटीसँगको दूरी ४ अंकले बढाएको छ ।
आर्सनलको ३३ र सिटीको २९ अंक छ । पराजित उल्भ्स १५ अंकसहित तालिकाको १३ औँ स्थानमा छ ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।