गाजाको स्वास्थ्य मन्त्रालयले गाजापट्टीमा विगत ४८ घण्टामा इजरायली आक्रमणमा ३९० प्यालेस्टाइनीको मृत्यु भएको छ । साथै, साेही अवधिमा इजरायली सेनाको हमालमा ७३४ जना घाइते भएका छन् ।
मन्त्रालयका अनुसार गत ७ अक्टोबरमा इजरायल–हमास द्वन्द्व सुरु भएदेखि गाजापट्टीमा कम्तीमा २० हजार ५७ जना प्यालेस्टाइनी मारिएका छन् भने ५३ हजार ३२० जना घाइते भएका छन् ।
करिब दुई दिनको अवरोधपछि बिहीबार राति गाजामा सञ्चार र इन्टरनेट सेवा सञ्चालन भएको प्यालेस्टिनी सुरक्षा स्रोतले जनाएको छ । इजरायलले दुई दिनदेखि गाजापट्टीको अधिकांश क्षेत्रमा हवाई, स्थल र समुद्रबाट आक्रमण गरिरहेको छ ।
त्यस्तै, रफाहबाहेक गाजाका अधिकांश क्षेत्रमा इजरायली सेना र सशस्त्र प्यालेस्टिनी गुटहरूबीचको लडाइँ जारी रहेको स्रोतले जनाएको छ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।