नागरिक उन्मुक्ति पार्टी (नाउपा)की संस्थापक अध्यक्ष रञ्जिता श्रेष्ठ सो पार्टीको सहअध्यक्षमा मनोनीत भएकी छिन् ।
शुक्रबार टीकापुरमा सम्पन्न प्रथम महाधिवेशनले पार्टीका संरक्षक रेशम चौधरीलाई अध्यक्षमा निर्वाचित गरेको थियो । निर्वाचित समितिको पहिलो बैठकले श्रेष्ठलाई सहअध्यक्षमा मनोनीत गर्ने निर्णय गरेको हो ।
विधान संशोधन गरेर चौधरीले आफ्नै श्रीमती रञ्जितालाई सहअध्यक्ष बनाएका हुन् । सहअध्यक्षमा मनोनीत गर्ने निर्णय गरेको पत्र अध्यक्ष चौधरीले श्रेष्ठलाई पठाएका हुन् ।
शुक्रबार अधिवेशनअघिसम्म चौधरीले अध्यक्षमा मनोनयन दिने सल्लाह नभएको, तर एक्कासि उनले अध्यक्षमा उम्मेदवारी दिएपछि भूमिसुधारमन्त्रीसमेत रहेकी श्रेष्ठ अधिवेशनस्थल छाडेर बाहिरिएकी थिइन् ।
नाउपाले विधान संशोधन गरी दुईजना महासचिव हुने व्यवस्था समेत गरेको छ ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।