इटालियन सिरी ‘ए’ फुटबलमा नापोली र टोरिनोले अंक बाँडेका छन् । शुक्रबार राति भएको खेलमा दुवै टिमले एक एक गोलको बराबरी खेल्दै तालिकामा एक एक अंक लिएका हुन् । पहिलो हाफ गोलरहित बराबरीमा सकिएको खेलमा नापोलीले ६१ औँ मिनेट गोल गरेको थियो ।
नापोलीका कविचा क्वारात्सखेलियालले गोल गर्दै खेललाई अग्रता दिलाएका हुन् । तर, त्यसको ३ मिनेटमै टोरिनोले बराबरी गोल फर्काएको थियो । ६४ औँ मिनेटमा टोरिनोको लागि अर्नाल्डो सानाब्रियाले गोल गरेपछि खेल एक एकको बराबरीमा आएको थियो ।
त्यसपछि बाँकी समयमा थप गोल नहुँदा दुवै टोलीले एक एक अंक बाँडे । बराबरीसँगै जारी सिजन ८ खेलमा बराबरी गरेको नापोली २८ खेलबाट ४४ अंकसति तालिकाको सातौँ स्थानमा रहेको छ ।
उसले १२ खेलमा जित र ८ खेलमा पराजय बेहोरेको छ । यता, सामना खेलबाट ३८ अंक जोडेको टोरिनो १०औँ स्थानमा रहेको छ ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।