उद्योगी तथा नेपाली कांग्रेसका सांसद विनोद चौधरी श्रीलंका प्रस्थान गरेका छन् । बाँसबारी छाला जुत्ता कारखानाको जग्गा प्रकरणमा सीआइबीकाे छानबिनमा रहेका उनी श्रीलंका उडेका हुन् ।
चैधरीसँग नेपाल प्रहरीको केन्द्रीय अनुसन्धान ब्युरो सिआइबीले बिहीबार बिहान सरकारी वकिल कार्यालयमा बयान दिएका थिए । बयान दिएपछि उनी बिहीबार नै श्रीलंकाको राजधानी कोलम्बो उडेका हुन् ।
चौधरी ग्रुपका प्रवक्ता मधुसूदन पौडेलले भने विनाेद नियमित तालिकामा विदेश गएको दाबी गरेका छन् । व्यापारको सिलसिलामा उनी ४० वर्षदेखि विदेश आउने-जाने गरेकाे र अहिले त्यसैको निरन्तरता मात्रै भएकाे प्रवक्ताले बताएका छन् ।
बाँसबारी छालाजुत्ता कारखानाको १० रोपनी सरकारी जग्गा चौधरी समूहले आफ्नो बनाएको विषयमा चौधरीले इन्कारी बयान दिएका थिए । चौधरीसँग सिआइबीले बिहीबार बिहान ८ देखि ११ बजेसम्म तीन घन्टा बयान लिएको थियो ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
