भियतनाममा पछिल्ला दुई दिनमा कोरोनाभाइरस संक्रमित भेटिन थालेका छन् । पछिल्ला दुई दिनमा मात्र त्यहाँ ४ जना कोरोनाभाइरस संक्रमित थपिएका हुन् ।
यसअघि पनि भियतनाममा कोरोनाभाइरस संक्रमित त भेटिएका थिए तर तीन महिना यता त्यहाँ एक जना पनि संक्रमित थपिएका थिएनन् ।
योसँगै भियतनाममा फेरि सामाजिक दूरी कायम राख्न नयाँ निर्देशन ल्याइएको छ ।
भियतनामका सरकारी मिडियाका अनुसार पछिल्ला चार दिनमा चीनबाट फर्किएका मानिसहरुमा कोरोनाभाइरस संक्रमण भेटिएको हो ।
भियतनाममा अहिलेसम्म कोभिड १९ का कारण कसैको पनि मृत्यु भएको छैन । यसको कारण चाहिँ त्यहाँ सरकारले लगाएका कडा नियम र व्यापक परीक्षण भएको बताइएको छ ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
