काठमाडौं– प्रतिपक्षी दल नेपाली कांग्रेसका प्रवक्ता विश्वप्रकाश शर्माले प्रधानमन्त्री केपी शर्मा ओली नेतृत्वको सरकार कोरोनाविरुद्धको अभियानमा गम्भीर नभएको आरोप लगाएका छन् ।
प्रधानमन्त्री ओलीले आफ्नै पार्टीका नेताहरु गम्भीर नभएको भनेर गरेको टिप्पणीप्रति इंगित गर्दै शर्माले पहिले सरकार गम्भीर हुनुपर्ने अनि मात्रै सबैलाई गम्भीर बनाउन सकिने उल्लेख गरेका छन् ।
प्रमुख प्रतिपक्षी दल कांग्रेसका सभापति शेरबहादुर देउवा, जनता समाजवादी पार्टीका अध्यक्ष महन्थ ठाकुर र जनस्वास्थ्य विज्ञसँगको छलफलमा प्रधानमन्त्री ओलीले आफनै पार्टीका नेताको आलोचना गरेका थिए ।
मंगलबारै ट्विट गर्दै शर्माले भनेका छन्, ‘प्रश्न, आरोप र मुद्दाभन्दा पर हुन्छ मान्छेको जिन्दगी । आउनोस् गम्भीर बनौं । सरकार, प्रतिपक्ष या निस्पक्ष जहाँ भए नि गम्भीर बनौं । उनले प्रधानमन्त्रीलाई मेन्सन गर्दै भनेका छन्, कोरोना संकटप्रति नेकपाकै साथीहरू गम्भीर छैनन् । सर्वप्रथम सरकारलाई गम्भीर बनाऔँ, प्रमज्यू, तब सबैलाई गम्भीर बनाउन सकिन्छ ।’
प्रश्न,आरोप र मुद्दा भन्दा पर हुन्छ मान्छेको जिन्दगी l आउनोस् गम्भीर बनौं l सरकार,प्रतिपक्ष या निस्पक्ष जहाँ भए´नि गम्भीर बनौं l@Pm_Nepal भन्नुहुन्छ-कोरोना संकटप्रती
— Bishwa Prakash शर्मा (@bishwaprakash77) August 4, 2020
नेकपाकै साथीहरू गम्भीर छैनन् l सर्वप्रथम सरकारलाई गम्भीर बनाऔं प्रमज्यु,तब सबैलाई गम्भीर बनाउन सकिन्छl जय नेपाल!
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
