नेपाल चिकित्सक संघ कर्णाली प्रदेश समितिले बाँकेको भेरी अस्पतालमा स्वास्थ्यकर्मीहरूमाथि भएको कुटपिटको घटनाको विरोध जनाएका छन् ।
संघले शुक्रबार एक विज्ञप्ति जारी गर्दै स्वास्थ्यकर्मीमाथि दुर्व्यवहार गर्नेलाई कडाभन्दा कडा कारबाहीको माग गरेको हो । नेपाल चिकित्सक संघ कर्णाली प्रदेशका अध्यक्ष डा. नवराज केसी र महासचिव डा. केएन पौडेलद्वारा जारी विज्ञप्तिमा घटनाको निष्पक्ष छानबिन गरी हदैसम्मको कारबाही गर्न माग गरिएको छ ।
कोभिड १९ महामारीमा स्वास्थ्यकर्मीले आफ्नो ज्यानको प्रवाह नगरी स्वास्थ्य सेवामा खटिरहेको अवस्थामा सुरक्षित वातावरणमा काम गर्न पाउनुपर्ने विज्ञप्तिमा उल्लेख गरिएको छ ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।