अष्ट्रेलियाको एक अदालतले १ दर्जन मिडियालाई १.१ मिलियन अष्ट्रेलियन डलर अर्थात् ८ लाख ४२ हजार अमेरिकन डलर जरिवानाको सजाय सुनाएको छ । अदालतको निर्देशन पालना नगर्ने मिडियालाई अदालतले जरिवाना गराएको हो ।
बाल यौन उत्पीडनको मुद्दामा अदालतको निर्देशनविपरीत समाचार सम्प्रेषण गरेको र मुद्दालाई प्रभावित बनाउने सामग्री बनाएको आरोपमा अदालतले मिडियाहरुलाई जरिवाना गराएको हो ।
नाइन इन्टरटेनमेन्ट कम्पनी र न्युज कर्पको स्वामित्वमा रहेका १२ वटा मिडियालाई सुप्रिम कोर्ट अफ भिक्टोरियाले जरिवाना गराएको हो । ती मिडियाले जर्ज पेलको बाल यौन उत्पीडन मुद्दामा अदालतको निर्देशनविपरीत समाचार सामग्री बनाएका थिए ।
भेटिकनका पूर्व कोषाध्यक्ष जर्जमाथि रहेको मुद्दामा अदालतले जारी गरेको निर्देशनको प्रभावकारिता र भावनाविपरीत त्यसलाई प्रभाव पार्ने गरी समाचार बनाएको भन्दै ती मिडियालाई अदालतले जरिवाना गराएको रोयटर्सले लेखेको छ ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।