गण्डकी प्रदेशमा राष्ट्रिय जनमोर्चाको तर्फबाट सांसद रहेका कृष्ण थापाको सांसद पद खारेजीको माग गर्दै प्रदेश सभामुखको तर्फबाट आएको भ्याकेट निवेदन आज पेसीमा चढ्ने भएको छ ।
थापाको सांसद पथ थमौतीको विरुद्धमा गण्डकी प्रदेशका सभामुख नेत्रनाथ अधिकारी, प्रदेशसभा सचिव हरिराज पोखरेल र राष्ट्रिय जनमोर्चा गण्डकीले हालेको भ्याकेट निवेदनको आज पेसी चढ्दैछ ।
यसअघि पार्टीले कारबाही गरेर प्रदेशसभाले पद खाली गराइसकेको अवस्थामा सांसद कृष्ण थापाको पद पुनर्बहाली गर्ने सर्वोच्चको फैसला खारेज हुनुपर्ने भन्दै बुधबार भ्याकेट निवेदन दर्ता भएको थियो ।
सभामुख अधिकारी र प्रदेशसभा सचिव पोखरेलले थापाको पद उनको पार्टीको कागजातसहितको निवेदनबाट खारेज भएको र उक्त कारबाही राजनीतिक दलसम्बन्धी ऐनअनुसार भएको भन्दै संयुक्त निवेदन दिएका हुन् ।
जनमोर्चाले भने सांसद थापाले पार्टीको ह्विप नमानेका कारण नियमअनुसार नै कारबाहीको प्रक्रिया पूरा गरेर प्रदेशसभामा पठाइएको बताएको छ । प्रदेशमा नयाँ सरकार गठन गर्ने विषयमा सांसद थापा पार्टीको निर्णयविपरीत तटस्थ बसेका थिए ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
