इराकको राजधानी बग्दादमा आत्मघाती बम विष्फोट हुँदा कम्तीमा पनि ३५ जनाको मृत्यु भएको छ भने दर्जनौँ घाइते भएका छन् ।
प्रहरीका अनुसार घाइतेमध्ये केहीको अवस्था गम्भीर रहेको छ । घाइतेहरूलाई उपचारका लागि अस्पताल पुर्याइएको छ ।
विष्फोटमा परी महिला र बच्चाको पनि मृत्यु भएको प्रहरीले जनाएको छ ।
सोमबार साद्र सहरको वाहैलत मार्केटमा बम विष्फोट भएको इराकको सैनिकले बताएको छ । मनिसहरू इद–अल–अदा पर्वको लागि किनमेल गरिरहेका थिए ।
आइएसआइएसले आफ्नो एक सेनाले भीडमा गइ बम विष्फोट गराएको भनी घटनाको जिम्मेवार आफू रहेको दावी गरेको छ ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।