लगानी बोर्डले पाँच वर्षमा ११ खर्ब ७५ अर्ब (१० अर्ब अमेरिकी डलर) बराबरको विदेशी लगानी स्वीकृत गर्ने रणनीति लिएको छ ।
बोर्डको १०औं वार्षिकोत्सवको अवसरमा ५ वर्षे रणनीतिक योजना सार्वजनिक गर्दै सो लगानीको विषयमा रणनीति लिएको हो ।
पाँच वर्षमा १० अर्ब अमेरिकी डलर बराबरको लगानी स्वीकृत गर्ने योजनामा कम्तीमा १ लाखले रोजगारी पाउने लगानी बोर्डले जनाएको छ । जसमा ६ अर्ब अमेरिकी डलर बराबरको सार्वजनिक-निजी साझेदारीका परियोजनाको व्यवस्थापन छ ।
यस्तै रणनीतिक योजनामा परियोजना विकास तथा व्यवस्थापन, लगानी प्रवर्द्धन, संस्थागत विकास, तथा समन्वय, सहकार्य र साझेदारी गरी चार खम्बे योजनासहित आर्थिक समृद्धिका लागि नेपाललाई आकर्षक लगानी गन्तव्य बनाउने लक्ष्य छ । ।
२०६८ सालमा स्थापना भएको लगानी बोर्डले दसौँ वर्षिकोत्सवमा ‘नेपाल इन्भेस्टमेन्ट गाइड २०२१’ तथा ‘कफी टेबल बुक’ समेत सार्वजनिक गरिएको छ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
