नेकपा एमालेका सचिव गोकर्ण विष्टले पनि नेकपा एमालेबाट छुट्टिएर नेकपा एकीकृत समाजवादी पार्टी बनाएका माधवकुमार नेपालको चर्को आलोचना गरेका छन् ।
कुनै समय माधवकुमार नेपाल समूहमै रहेर नेकपा एमाले अध्यक्ष केपी शर्मा ओलीको चर्को आलोचना गर्ने विष्टले नेकपा एकीकृत समाजवादीमा आफू नगएपछि नेपालको आलोचना सुरु गरको हुन् ।
त्यसो त पछिल्लो समय नेकपा एमाले छाडेर नेपालको नयाँ दलमा नगएका नेताहरुले नेपालको खुलेर आलोचना गर्न थालेका छन् ।
विष्टले नेकपा एमाले जिल्ला कमिटी गुल्मीले आयोजना गरेको पार्टी कार्यकर्ता भेलालाई सम्बोधन गर्दै नेपालले नेपाली कांग्रेसका सभापति शेरबहादुर देउवालाई प्रधानमन्त्री बनाउनुलाई नै नेपालले ठूलो उपलब्धि मानेको बताएका छन् ।
यतिमात्र होइन, उनले १० बुँदे कार्यान्वयन नहुनुमा नेपालकै असहयोग भएको र अन्ततः पार्टी विभाजन भएको आरोप पनि लगाएका छन् । १० सदस्यीय पार्टी कार्यदलमा रहेका विष्टले नेपालले पार्टीको विवाद अन्त्य गरौँ भन्दा नमानेको आरोप पनि लगाएका छन् ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।