ला लिगा अन्तर्गत मंगलबार राति भएको खेलमा एट्लेटिको मड्रिडले १० खेलाडीमा सीमित घरेलु टोली गेटाफेलाई २-१ ले पराजित गरेको छ ।
सुरुवाती अग्रता जाेगाउन नसक्दा घरेलु टोली पराजित हुन पुगेको हो । एट्लेटिकोका गोलरक्षक जोन ओब्लाकको आत्मघाती गोल मार्फत गेटाफेले अग्रता लिएको थियो।
खेलको ४५ औँ गेटाफेका स्टेफन मित्रोभिकको हेड पोस्टमा लागेर फर्किएको बलले ओब्लाकलाई छुँदै पोस्टको दिशा लिएको थियो ।
यो गेटाफले एट्लेटिकोविरुद्ध सन् २०११ पछि गरेको पहिलो गोल हो ।
कार्लिस एलिना ७४ औं मिनेटमा रातो कार्ड खादै मैदान बाहिरिएपछि गेटाफे १ खेलाडीमा सीमित बन्यो । त्यसको फाइदा उठाउँदै लुइस सुआरेजले एट्लेटिकोका लागि लगातार दुई गोल गरे ।
सुआरेजले ७८ औं मिनेटमा टोलीलाई बराबरीमा ल्याए भने खेलको अन्तिम मिनेटमा विजयी गोल गरे ।
जितसँगै एट्लेटिको ६ खेलबाट १४ अंक जोड्दै लिगको शीर्ष स्थानमा उक्लिएको छ । उसले १ खेल कम खेलेको रियल मड्रिडलाई एक अंकले पछि पारेको हो । गेटाफे अंकविहीन हुँदै १९ औं स्थानमा छ ।
लिग अन्तर्गत मंगलबार नै भएका अन्य खेलमा एथ्लेटिको क्लब बाल्बिाओ रायो भाल्कानोसँग २-१ ले पराजित हुदाँ सेल्टा भिगोले लेभान्टेलाई २-० ले हरायो ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
