प्रतिनिधिसभाको दसौँ अधिवेशनको दोस्रो बैठक मंगलबार दिउँसो १ बजेका लागि बोलाइएको छ । मंगलबारको बैठकमा प्रस्तुत हुने चार कार्यसूची संसद सचिवालयले सार्वजनिक गरेको छ ।
मंगलबारको बैठकमा सरकारले एमसिसी टेबुल गराउने तयारी गरेको चर्चा चलेको भए पनि बैठकको सम्भावित कार्यसूचीमा एमसिसी परेको छैन ।
प्रमुख प्रतिपक्षी दल नेकपा एमाले संसद्को नवौँ अधिवेशनका सबै बैठक अवरुद्ध गरेको थियो । उसले दशौँ अधिवेशनका बैठक पनि चल्न नदिने रणनीति तय गरेको छ ।
मंसिर २८ गते बसेको दशौँ अधिवेशनको पहिलो बैठकमा पनि एमालेका सांसदले नाराबाजी गरेका थिए ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।